ஜவ்வரிசி பயத்தம் பருப்பு பாயாசம்

ஜவ்வரிசி பயத்தம் பருப்பு பாயாசம்

                       ஒரு நாள் பக்கத்து வீட்ல வரலட்சுமி பூஜைக்கு கூப்பிட்டாங்க. என்னோட தோழிகளும், குழந்தைகளும் எல்லாரும் போயிட்டுவந்தோம். பூஜை முடிஞ்சதும்,  வடை, பாயாசம் , கேசரி எல்லாம் குடுத்தாங்க.  குழந்தைகளும் பிடிச்சதை சாப்பிட்டாங்க. நான் பாயாசம் சாப்பிட்டேன். ரொம்ப நல்லா இருந்துச்சி.  என்ன பாயாசம்னு பாத்தா , ஜவ்வரிசி பயத்தம் பருப்பு பாயாசம் . பயத்தம் பருப்பு எப்பவுமே எனர்ஜிட்டிக்கான ஒரு பொருள் தான் . பயத்தம் பருப்புல ரசம் பண்ணாகூட ரொம்ப நல்லா இருக்கும், சுவையாவும் இருக்கும் .  நீங்களும் இந்த பாயாசத்தை செய்து பாருங்க .

தேவையான பொருட்கள் :

ஐவ்வரிசி                                    - 1 cup
பயத்தம் பருப்பு                      - 1 cup
வெல்லம் (அ)  சர்க்கரை     - 1 cup

பால்                                              -1 cup

முந்திரி                                        -  1 table spoon
திராட்சை                                   - 1  table spoon
ஏலக்காய் தூள்                        - சிறிது
நெய்                                              - தேவையான அளவு

செய்முறை:

பயத்தம் பருப்பையும், ஜவ்வரிசியையும் தனிதனியாக வேகவைக்கவும் . வேகவைத்தவுடன் இரண்டையும் ஒன்றாக சேர்க்கவும் . பின்னர் , பால் , சர்க்கரை அல்லது துருவிய வெல்லம் அதில் சேர்க்கவும் . வாணலில் நெய் விட்டு முந்திரி, திராட்சை , ஏலக்காய் போன்றவற்றை வறுத்து அதில் சேர்க்கவும் . சூடான பாயாசம் தயார் . நீங்களும் செய்து பாருங்க.