வல்லாரை கூட்டு

வல்லாரை கூட்டு 

                                      வழக்கமான கூட்டு வகைகளை விட இது மிகவும் ஆரோக்கியமானதும் செய்வதற்கு எளிமையானது.  இந்த வல்லாரைக்கூட்டு குழந்தைகளுக்கு மிகவும் நல்லது ஞாபக சக்தியை மேம்படுத்தும்.

தேவையான பொருட்கள்:

வல்லாரை                    - 1 கப்
பாசி பருப்பு                  - 1 கப்
பெரிய வெங்காயம்  - 2
தக்காளி                          - 2
இஞ்சி                                - 1 துண்டு
பூண்டு                              - 10 பல்லு
காரமிளகாய் பொடி  - 1/2 ஸ்பூன்
மஞ்சள் பொடி               -  1 சிட்டிகை
உப்பு                                   -   தேவையான அளவு
வேகவைத்த உருளை கிழங்கு - 2

தாளிக்க :
எண்ணெய் - 1 ஸ்பூன்
கடுகு - 1 ஸ்பூன்

செய்முறை:

குக்கரில் பாசிபருப்பை கழுவி வைக்கவும். பின்பு வல்லாரை கீரையை அதில் போடவும். அதன் பின் உருளை கிழங்கை தவிர்த்து ஒன்றன் பின் ஒன்றாக மேர்கண்ட பொருட்களை சேர்த்து குக்கரை மூடவும். 3 விசில் வந்தவுடன் அடுப்பை அணைக்கவும். பின்பு வேகவைத்த உருளை கிழங்கை மசித்து அதில் சேர்க்கவும். வாணலில் சிறிதளவு எண்ணெய் விட்டு கடுகை சேர்த்து தாளிக்கவும்.